MARKAZIY OSIYO, 2025-yil 25-may – IA Caravan Info.Turkiy tilli davlatlar tashkiloti qoʻshma bayonotida Afgʻonistonda barqarorlikni taʼminlash maqsadida afgʻonlarga xalqaro gumanitar yordam koʻrsatilishini qoʻllab-quvvatlashi hamda Tolibon harakati bilan barqarorlik, taraqqiyot va milliy yarashuv yoʻnalishlarida hamkorlik qilishga tayyor ekani taʼkidlandi. Tashkilot, shuningdek, mamlakatda inklyuziv hukumatni shakllantirishga chaqirdi.

Bayonotga ko‘ra, turkiy tilli davlatlar tashkiloti Afg‘oniston zaminida terrorizmni yo‘q qilish uchun Tolibon bilan o‘zaro hamkorlik muhimligini ta’kidlab, TAPI, Trans-Afg‘on, CASA-1000 va Ipak yo‘li loyihalarini Afg‘onistonning iqtisodiy barqarorligi uchun muhim deb atadi.

Eslatib oʻtamiz, Turkiya, Ozarbayjon, Qozogʻiston, Qirgʻiziston va Oʻzbekiston ushbu tashkilotning doimiy aʼzolari boʻlib, uning bosh qarorgohi Istanbulda joylashgan.

Foto: IA Karavan Info hamkorlari