ASHXOBOT, 2025-yil 1-iyul – Karavan Info axborot agentligi.Turkmaniston Prezidenti Serdar Berdimuhamedov Ashxobodga tashrif bilan kelgan Yaponiyaning Toyo Engineering korporatsiyasi boshqaruvchilar kengashi raisi Xaruo Nagamatsu bilan uchrashdi.

Mehmon poytaxtimiz qiyofasidan hayratda ekanini bildirib, davlatimiz rahbarini Turkmanistonda zamonaviy texnologiyalar ramziga aylangan “aqlli” shahar – Arkadag shahrining ikki yilligi bilan tabrikladi.

Serdar Berdimuhamedov tabrik uchun minnatdorlik bildirib, tashrif chog‘ida ikki tomonlama hamkorlikning dolzarb masalalari muhokama qilinishini ta’kidladi. Tashrif mamlakatlar o‘rtasidagi munosabatlarga qo‘shimcha sur’at bag‘ishlashiga ishonch bildirdi.

Tomonlar Turkmanistonning neft-gaz va kimyo sanoatidagi loyihalarni amalga oshirishda Yaponiya kompaniyalari, xususan, “Toyo Engineering”ning muhim rolini ta’kidladilar. Davlat rahbari hamkorlikni kengaytirish imkoniyatlarini qayd etib, Yaponiya tomonining aniq takliflarini ko‘rib chiqishga tayyorligini bildirdi.

Uchrashuv yakunida davlat rahbari Xaruo Nagamatsuga muvaffaqiyatlar tiladi va o‘zaro manfaatli sheriklik yanada mustahkamlanishiga umid bildirdi.

Foto: Ochiq manbalar