MOSKVA, 20-iyun, 2025-yil – Karavan Info axborot agentligi.19-iyun kuni ertalab Rossiya prezidenti Vladimir Putin Sankt-Peterburg xalqaro iqtisodiy forumida xalqaro axborot agentliklari rahbarlari bilan uchrashuvi chog‘ida Ukraina prezidenti Vladimir Zelenskiy bilan uchrashish imkoniyatini istisno qilmasligini aytdi.

Men hamma bilan, jumladan Zelenskiy bilan ham uchrashishga tayyorman
— taʼkidladi Putin.

Shu bilan birga, uning qo‘shimcha qilishicha, Ukraina konstitutsiyasiga ko‘ra, prezidentning vakolatlari hatto harbiy holat sharoitida ham avtomatik ravishda uzaytirilmaydi va bu ehtimoliy kelishuvlar imzolanishining qonuniyligini shubha ostiga qo‘yadi.

Kim muzokara olib borayotgani menga ahamiyati yo‘q, garchi u hozirgi rejim rahbari bo‘lsa ham. Ammo agar biz jiddiy masalalarni hal qilayotgan bo'lsak, unda qonuniy organlar imzo qo'yishi kerak. Aks holda, keyingisi kelib, hamma narsani axlatga tashlaydi.
– dedi Rossiya rahbari.

Shuningdek, Rossiya va Ukraina muzokara guruhlari 22 iyundan keyingi uchrashuvni muhokama qilayotgani maʼlum boʻldi.

Foto: Ochiq manbalar