Oʻzbekiston sogʻliqni saqlash vaziri Asilbek Xudayarov Xitoyning Oʻzbekistondagi Favqulodda va Muxtor elchisi Yu Jun bilan muzokaralar oʻtkazdi. Muhokamaning asosiy mavzusi 1-sentabr kuni ShHT sammitida imzolangan hukumatlararo kelishuvning amalga oshirilishi boʻldi.
Tomonlar Respublika sud-tibbiy ekspertizasi ilmiy-amaliy markazining moddiy-texnik bazasini mustahkamlash va bir qator tibbiyot muassasalarini modernizatsiya qilish masalalarini muhokama qilishdi.
Xitoy grantlari hisobidan moliyalashtiriladigan loyihalarni, jumladan, Oʻzbekistonda anʼanaviy xitoy tibbiyotini rivojlantirishni jadallashtirish boʻyicha kelishuvga erishildi.
Xitoylik kardiojarrohlar bu yil tug'ma yurak nuqsonlari bo'lgan bolalarga 500 ta yuqori texnologiyali jarrohlik amaliyotini o'tkazishni taklif qilishdi . Jarrohlik amaliyotlari Milliy bolalar tibbiyot markazi, Respublika ixtisoslashtirilgan jarrohlik markazi va Toshkent davlat tibbiyot universitetining Bolalar ko'p tarmoqli klinikasida o'tkazilishi rejalashtirilgan.