IT Park University ахборот технологиялари соҳасида амалий таълимга йўналтирилган Ўзбекистондаги биринчи университетлардан биридир. Университет IT Park Uzbekistan кўмагида етакчи халқаро IT-компаниялардан бири – ЕРАМ Systems билан ҳамкорликда ташкил этилган.

Университет малакали IT-мутахассисларини тайёрлашга йўналтирилган ва аллақачон қимматли истеъдодлар ҳавзасини шакллантиришга муваффақ бўлган. IT Park Uzbekistan резидентлари сонининг кўпайиши Ўзбекистондан IT соҳаси битирувчиларини қабул қилишга ва уларга ўз мамлакатида қолиш ва глобал лойиҳалар устида ишлаш имкониятини беришга тайёр янги иш ўринлари яратилишига ҳисса қўшмоқда. Бундай синергия Ўзбекистон иқтисодиётининг умумий ўсишига муҳим туртки бўлмоқда.

Яқинда IT Park University Ўзбекистон IT-саноатининг етакчи вакиллари, халқаро рақамли маҳсулотлар етакчилари ва янгиланган IT-саноатининг бўлажак мутахассисларини бирлаштирган «Очиқ ешиклар куни» тадбирида барчага ўз эшикларини очди.

 Талабалар ва уларнинг ота-оналари ишга жойлашиш имкониятларини ўрганиш мақсадида университет дастурлари билан танишдилар ва халқаро экспертлар билан суҳбатлашдилар.

Бундан ташқари, тадбирда IT соҳасида малака ошириш ва таълимнинг асосий жиҳатлари муҳокама қилинди. Узлуксиз ўрганиш ва тез ўзгарувчан технологияларга мослашиш муҳимлигига алоҳида эътибор қаратилди. Талабалар ва ёш мутахассислар учун профессионал жамоаларнинг аҳамияти таъкидланди, шунингдек, бундай жамоаларда иштирок этиш жадал ривожланишга ҳисса қўшиши ва янги мартаба имкониятларини очиши таъкидланди.

IT соҳасида муваффақиятга эришиш учун алоқа ва менежмент каби техник ва ижтимоий кўникмаларни ривожлантириш муҳимлигига алоҳида эътибор қаратилди.

Сурат: IT PARK UZ