Ушул жумада Римде Тажикстан Республикасынын Президенти Эмомали Рахмон Webuild S.p.A. аткаруучу директору Пиетро Салини менен жолугушту.

Тараптар Рогун ГЭСинин курулушунун жүрүшүн талкуулашты. П.Салини Тажикстандын башчысына компаниянын милдеттенмелеринин аткарылышы жана курулуш иштеринин жүрүшү тууралуу маалымат берди. Ишкананын жетекчилери жумуштарды белгиленген мөөнөттө бүткөрүүгө бардык мүмкүнчүлүктөрүн мобилизациялай тургандыктарына ишеним билдирилди.

Мындан тышкары, жолугушуунун катышуучулары кызматташуунун башка маселелерин, ошондой эле болгон мүмкүнчүлүктөрдү жана ресурстарды натыйжалуу пайдаланууну талкуулашты.