Қозоғистонда Chapter Zero Kazakhstan ташаббуси бошланди

Март ойи охирида Астанада кам углерод иқтисодиётига силлиқ ўтишни таъминлашга қаратилган Chapter Zero ташаббуси бошланди. Ушбу ташаббус аллақачон дунёнинг 70 дан ортиқ мамлакатларида ишлаб чиқилмоқда.

Insead Европа бизнесни бошқариш институти, “Chapter Zero Kazakhstan” лойиҳаси билан биргаликда Республика ва умуман Марказий Осиё учун корпоратив бошқарув дастурини ишлаб чиқади. Ҳамкорлар Астана халқаро Молия маркази, Европа тикланиш ва тараққиёт банки, McKinsey, KPMG ва Назарбоев университети бўлади.

McKinsey & Company — стратегик менежмент билан боғлиқ муаммоларни ҳал қилишга ихтисослашган халқаро консалтинг компанияси.

KPMG — халқаро аудит ва консалтинг корпорацияси ҳисобланади.

“Кам углеродли ривожланиш барқарор ривожланишнинг зарурий шартидир ва глобал иқлим ўзгаришининг ҳалокатли оқибатларини олдини олишга қаратилган. Мамлакатда қайта тикланадиган ва муқобил энергия манбаларини ривожлантириш бўйича бир қатор лойиҳалар мавжуд. Давлат раҳбари номидан Қозоғистоннинг 2060 йилгача кам углеродли ривожланиши концепцияси ишлаб чиқилган. Ушбу лойиҳаларнинг амалга оширилиши атроф-муҳит сифатини яхшилаш, иқлим ўзгариши, технологик ривожланиш, янги иш ўринлари яратиш, иқтисодиёт томонидан углероддан фойдаланишни камайтириш ва бошқа муҳим масалалар билан боғлиқ муаммоларни олдини олишга ёрдам беради. Биз Қозоғистонда ўз ишини биринчи марта бошлаётган Chapter Zero Kazakhstan ташаббуси жуда муҳим қадам деб ҳисоблаймиз”, — деди Қозоғистон Республикаси Энергетика вазирининг ўринбосари Бақытжан Ильяс.