So’ngi voqealar munosabati bilan Qozog‘istonda suv xo‘jaligini rivojlantirishning 2024-2030 yillarga mo‘ljallangan kompleks rejasi suv toshqinlariga qarshi kurashish va ularning oqibatlarini bartaraf etish chora-tadbirlari bilan to‘ldiriladi.

«Fevral oyida 2024-2030-yillarda suv manbalarini boshqarish tizimini rivojlantirish konsepsiyasi tasdiqlandi va uni amalga oshirish bo‘yicha kompleks reja mavjud. Eritilgan suvdan qishloq xo‘jaligida foydalanish rejasini ishlab chiqish zarur. Suv toshqini davri tugagandan so‘ng barcha suv havzalari 100 foizga  to‘ldirilishi kerak, biroq suv yig‘ishni suv xo‘jaligi tuzilmalariga zarar yetkazmasdan amalga oshirilishi kerak”, — dedi Qozog‘iston Respublikasi suv xo‘jaligi va irrigatsiya vaziri Nurjan Nurjigitov.

Shuningdek, N.Nurjigitov, nafaqat suv toshqini davrida  viloyat hokimliklari bilan faol hamkorlik qilishga chaqirdi. Vazirning qoʻshimcha pqilishicha, suv omborlarining bir qismi hokimliklar balansida boʻlganligi uchun suv inshootlarini birgalikda taʼmirlash rejasini ishlab chiqish zarur.