2024 жылы Қазақстанда түсті металлургия саласында сегіз жобаны жүзеге асыру күтілуде

Қазақстанның түсті металлургиясында 2024 жылы жалпы құны 169 млрд теңге болатын сегіз жобаны жүзеге асыру жоспарлануда. Сөз алюминий радиаторларын, катодты мыс, Доре қорытпаларын (алтын-күміс қорытпасы) және басқа да өнімдерді өндіру жайлы болып отыр.

QazIndustry жобаларды іске асыру мониторингі және талдау дирекциясының мәліметінше, жобалық қуатқа жеткенде өндіріс көлемі 136 млрд теңгені құрайды. Өнімді ішкі нарықта да, экспортқа да, бірінші кезекте Ресейге, сондай-ақ Орталық Азияның басқа елдеріне сату жоспарлануда.

Салыстыру үшін, 2023 жылы түсті металлургия саласында 26,8 млрд теңге сомасына бес жоба жүзеге асырылды. Айта кетерлігі, жобалардың басым бөлігі Қарағанды облысы, Шымкент қаласында жүзеге асырылуда.

Республиканың түсті металлургиясында барлығы 1,8 триллион теңгені құрайтын 49 жобаны іске қосу жоспарлануда. Барлық жобалар іске қосылғаннан кейін өндіріс көлемі 2,3 трлн теңгеге бағаланады.