Өткөн жыл палата үчүн маанилүү жетишкендиктердин жана бизнес үчүн ишенимдүү өнөктөш катары позициясын бекемдөө мезгили болду. Палата өзүнүн таасирин кеңейтип гана тим болбостон, ишкердиктин жана эл аралык кызматташтыктын өнүгүшүнө олуттуу салым кошту.
Мүчөлүк кеңейди: палатага 404 жаңы мүчө кошулуп, бул көрсөткүч өткөн жылга салыштырмалуу 38%га көп болду. Бүгүнкү күндө Палатанын мүчөлөрүнүн жалпы саны 2000ге жакын ишкананы түзөт.
Эл аралык өкүлчүлүктөр көбөйдү: Кытай, АКШ, Түркия, Канада, Швейцария сыяктуу 12 жаңы өлкөдө өкүлдөр дайындалып, жалпы өкүлдөрдүн саны 45ке жетти.
Тармактык комитеттер түзүлдү: Ишкерликтин негизги секторлорун өнүктүрүү үчүн 5 жаңы комитет түзүлдү. Учурда палатада 15 тармактык комитет активдүү иштеп жатат.
Эл аралык форумдар жана сүйлөшүүлөр: 26 ири иш-чара жана 65 жолугушуу чет элдик дипломаттар жана бизнес-ассоциациялар менен өткөрүлдү. Сауд Арабиясы, Кытай, АКШ сыяктуу негизги өнөктөштөр менен 10 стратегиялык меморандумга кол коюлду. АКШ, Түштүк Корея, Кытай жана Чехияга ишкердик сапарлар уюштурулду.
Экспертиза көлөмүнүн өсүшү: Сертификатталган товарлардын жалпы наркы 104,2 млрд сомго жетип, бул көрсөткүч 2023-жылга салыштырмалуу 30%га жогорулады. 11 898 товар келип чыгыш сертификаты берилди, ошондой эле сертификациянын жаңы эрежелери жана аныктоо методикалары бекитилди.
Ири экономикалык иш-чаралар: палата «Кыргызстан ЭКСПО 2024», Түрк Мамлекеттер Уюмунун Форуму жана VI Кыргыз-Россия инвестициялык форумы сыяктуу 8 маанилүү иш-чаранын уюштуруучусу болду.
Санариптештирүү процесстери: Бизнес-процесстерди автоматташтыруу үчүн CCI Docs жана CCI HR инновациялык платформалары ишке киргизилди.
Ишкерлерди колдоо жана билим берүү: 203 ишкер үчүн 10 адистештирилген тренинг өткөрүлүп, анын ичинде «Жашыл логистика» жана эл аралык маркетплейстерде иштөө боюнча курстар уюштурулду.
Финансылык жетишкендиктер:
• Мүчөлүк төлөмдөрдүн чогултуу көлөмү 22%га көбөйүп, 9,6 млн сомго жетти.
• «Кыргызэкспертизанын» кирешеси 22%га өсүп, 63,4 млн сомду түздү.
• Башка кызматтардан түшкөн каражаттар 48,5 млн сомду түздү.
• Жалпы кирешелер 100 млн сомдон ашты.
Мыйзамдык демилгелер:
• Өкмөттүн Токтом долбоору иштелип чыгып, баалоочулардын сертификациялоо функцияларын Экономика жана коммерция министрлигинен (ЭКМ) палатага өткөрүү каралууда.
• Баалоочуларды сертификациялоо тартибине өзгөртүүлөр киргизилип, бул палатанын улуттук сертификация системасындагы ролун бекемдейт.
Ақпарат көзі: сайт https://caravan-info.kg/