Стамбул, 17 сәуір, 2025 жыл – Караван ақпарат агенттігі.Ыстамбұлда ҚР Премьер-Министрінің орынбасары – Сыртқы істер министрі Мұрат Нұртілеу Түркияның ірі компанияларының басшыларымен кездесулер өткізді.

Келіссөздер барысында Қазақстанның агроөнеркәсіптік кешені мен тамақ өнеркәсібіндегі инвестициялық жобаларды іске асыру перспективалары талқыланды.

Мұрат Нұртілеу Қазақстанның Түркиямен сауда-экономикалық ынтымақтастықты нығайтуға үлкен мән беретінін және экономиканың негізгі салаларына тікелей инвестиция тартуға мүдделі екенін атап өтті.

Түрік компанияларының өкілдері ағымдағы жобалардың сәтті жүзеге асатынына сенім білдірді және олардың Қазақстандағы қатысуын одан әрі кеңейтуге, сондай-ақ ынтымақтастықтың жаңа перспективалық бағыттарын зерттеуге дайын екендіктерін білдірді.

Фото:Қазақстан Республикасының СІМ