Астана, 2026 жылғы 8 қазан – Karavan Info ақпараттық агенттігі. Ақордада Мұғалімдер күні мерекесі өтті. Президент Қасым-Жомарт Тоқаев мұғалімдерді құттықтап, олардың қоғам мен адами капиталды дамытудағы ерекше рөлін атап өтті.

«Мұғалім – әрбір адамның өміріндегі маңызды тұлға. Білім берушілерге деген терең құрмет – өркениетті қоғамның жетілуінің ең маңызды белгісі», – деді Мемлекет басшысы.

Президент жастар арасында мұғалімдік мамандыққа деген қызығушылықтың артып келе жатқанын атап өтті. Биыл 12 000-нан астам түлек мұғалімдік мамандықтар бойынша мемлекеттік гранттар алды, ал болашақ мұғалімдерге берілетін студенттік стипендиялардың мөлшері 2,5 есеге артты.

Салтанатты рәсім барысында жоғары білім беру саласының өкілдеріне мемлекеттік марапаттар табысталды.

Лауреаттар әдебиеттану мен абайтанудың, экономиканың, вокал өнерінің және спорттық білім берудің дамуына, сондай-ақ мамандардың жаңа буындарын даярлауға айтарлықтай үлес қосты.

Фото: Ақорда