2025 жылдың басынан бері республикадағы барлық санаттағы шаруашылық жүргізуші субъектілер тірі салмақта 98,4 мың тонна ет өндірді, бұл өткен жылдың сәйкес кезеңінен 2582 тоннаға немесе 2,7%-ға артық. Бұл туралы Ауыл шаруашылығы министрлігі хабарлады.

Ведомствоның мәліметінше, республиканың барлық өңірлерінде ет өндірісі негізінен мал мен құс басының өсуі есебінен өсті.

2024 жылдың соңындағы жағдай бойынша ірі қара мал саны өткен жылмен салыстырғанда 1,5 пайызға, қой мен ешкі 1 пайызға, жылқы 2 пайызға, құс саны 10,6 пайызға өскен.