Раиси Маҷлиси порлумони Қазоқистон Ерлан Кошанов дар раъси ҳайат бо даъвати раиси Маҷлиси бузурги миллии Туркия Нуъмон Куртулмуш ба Туркия сафар кард.

Дар Анқара ҷонибҳо масъалаҳои шарикии стратегӣ ва рушди муносибатҳои байнипарлумонӣ баррасӣ карданд. Эрлан Кошанов ҳамкори худро бо 105-умин солгарди таъсиси порлумони Туркия табрик гуфта, ба равобити қавии таърихии ду кишвар таъкид кард.

Мавзӯи асосии суҳбат густариши ҳамкорӣ дар соҳаи қонунгузорӣ буд. Ҳамчунин, ҳамкориҳо дар чаҳорчӯби Ассамблеяи парлумонии кишварҳои туркӣ, ки ҷаласаи он моҳи июн дар Остона таҳти раёсати Қазоқистон баргузор мешавад, баррасӣ шуд.

Ҳайат маҷмааи ёдгории Аниткабирро зиёрат карда, ба Мустафо Камол Отатурк эҳтиром гузоштанд.

Сурат: манбаъҳои кушода