Қырғызстанның Катар Мемлекетіндегі Елшісі Марат Нұралиев Катар көлік министрі шейх Мұхаммед бен Абдулла Аль Танимен кездесті.

Қырғызстан Сыртқы істер министрлігі баспасөз қызметінің хабарлауынша, тараптардың кездесуі 22 сәуірде Доха қаласында өткен.

Кездесу барысында тараптар қырғыз-катар ынтымақтастығының күн тәртібіндегі негізгі мәселелерге тоқталды, сондай-ақ жақын арада елдер арасында тікелей әуе қатынасын ашу мүмкіндігін талқылады.

Сонымен қатар, тараптар екі елдің көлік министрліктері арасындағы ынтымақтастықты орнатуға бағытталған негіздемелік келісімдердің жобалары бойынша пікір алмасты.

Кездесу соңында тараптар келіссөздер барысында қол жеткізілген уағдаластықтарды одан әрі жүзеге асыру үшін тығыз байланыста болуға келісті.