Түркия Республикасы Ұлы Ұлттық Мәжілісінің төрағасы Нуман Куртулмуш 27 сәуірде Қырғызстанға ресми сапармен барады.Бұл туралы парламенттің баспасөз қызметі хабарлады.

29 сәуірге дейін жалғасатын ресми сапар аясында Нуман Куртулмуш Жогорку Кенеш төрағасы Нұрланбек Тұрғынбек ұлымен екіжақты келіссөздер жүргізеді.

Кездесу қорытындысы бойынша парламентаралық байланыстарды дамытуға бағытталған құжатқа қол қойылады деп күтілуде.

Сонымен қатар, Түркия Парламентінің төрағасымен бірқатар жоғары деңгейдегі кездесулер жоспарланған.

Айта кетейік, Түркия Ұлы Ұлттық Мәжілісінің төрағасы Нуман Куртулмуш алғашқы ресми сапарын Қырғызстанға жасайды.