КР Саламаттыкты сактоо министрлигинин маалыматы боюнча 2025-жылдын март айында өлкөдө инфекциялык жана паразиттик оорулардын, анын ичинде курч респиратордук вирустук инфекциялардын (ОРВИ) 38 миң учуру катталган. Оорулуулардын түзүмүндө курч респиратордук вирустук инфекциялар басымдуулук кылган, бул бардык оорулардын 79,5%ын түзгөн. Кызамык оорусу 3,8%, курч ичеги инфекциясы – 4,3%, энтеробиоз – 2,5%, вирустук гепатит – 1,9%, аскаридоз – 1,7% түзгөн. 2025-жылдын январь-мартында өткөн жылдын ушул мезгилине салыштырмалуу курч ичеги-карын инфекциялары 47,9%, курч респиратордук вирустук инфекциялар 28,4%, сифилис 18,7%, бруцеллез 4,5%га көбөйгөн. Ошону менен бирге, үстүбүздөгү жылдын биринчи кварталында бир катар оорулар боюнча эпидемиологиялык абал жакшырган: ботулизм менен ооругандар 33,3%га, кургак учук 5,9%га, вирустук гепатит 7,1%га кыскарган.