9-июлда Өзбекстан Республикасынын Премьер-министринин орун басары – Экономика жана каржы министри Жамшид Кучкаров Япониянын Эл аралык кызматташтык банкынын (JBIC) төрагасы Тадаши Маэда баштаган делегациянын өкүлдөрү менен жолугушту.

Сүйлөшүүлөрдүн жүрүшүндө тараптар Өзбекстандагы масштабдуу экономикалык реформалар, туруктуу экономикалык өсүш жана “жашыл” экономиканы өнүктүрүү боюнча пикир алышты.

Байланыш тармагындагы кызматташтык, энергетика тармагын мындан ары өнүктүрүү, саламаттыкты сактоо жана энергетика, энергиянын кайра жаралуучу булактарын пайдалануу жана энергиянын натыйжалуулугун жогорулатуу, заманбап автомобиль жана темир жолдорду куруу жаатында мамлекеттик-жеке өнөктөштүк долбоорлорун түзүү жана ишке ашыруу, ошондой эле бул багыттар боюнча эл аралык тажрыйба да талкууланды.

Сүйлөшүүлөрдүн жыйынтыгында тараптар өз ара пайдалуу кызматташтыкты өнүктүрүү жана кеңейтүү боюнча макулдашышты.

Эскертүү. JBIC (Japan Bank of International Cooperation) 1999-жылы түзүлгөн жана жапон экспортун тездетүүгө жана эл аралык ишмердүүлүктү өнүктүрүүгө активдүү көмөк көрсөтөт. JBICтин жалпы активдери 150 миллиард долларды түзөт. Бүгүнкү күндө Өзбекстанда JBIC менен биргеликте 2,6 миллиард долларлык 11 долбоор ишке ашырылган.

Сүрөт: Өзбекстан Республикасынын Экономика жана финансы министрлигинин басма сөз кызматы