Япониянын Yamanaka чекене супермаркеттер тармагы Орусиядан “Хоккайдодо жасалган” деп белгиленген туздалган лосось балыгынын сатылышына байланыштуу чатактын чордонунда. Япониянын Mainichi гезити маалымдагандай, Айчи префектурасындагы төрт дүкөн 2021-жылдан 2023-жылга чейин келип чыгышы тууралуу жалган маалымат менен 7,9 миң таңгактан ашык лосось сатышкан.

Гезиттин маалыматына караганда, Токай районунун айыл чарба департаменти 61 супермаркетти иштеткен Яманаканы туура эмес маркаланган товарларды тараткан деп айыптаган. Компания 2021-жылдын декабрь айында Хоккайдо аралында өндүрүлгөн лосось ордуна орус лосось балыгын сата баштаганын мойнуна алды, бирок бардык дүкөндөр кардарларга бул өзгөрүү тууралуу өз убагында кабардар кылган эмес.

Окуянын натыйжасында Яманака товарларды туура маркалоо боюнча ички тренинг өткөрүүгө убада берип, ошондой эле кетирилген ката үчүн кечирим сурады.