Өзбекстан президентинин «Мамлекеттик сатып алуулар системасын өркүндөтүү жана ага чакан бизнестин катышуусун стимулдаштыруу боюнча чаралар жөнүндө» токтому кабыл алынды.

Эми токтомго ылайык, мамлекеттик сатып алууларды жүргүзүүдө кызматкерлеринин 50%дан кем эмесин майыптар, аялдар же жаштар түзгөн чакан ишкерлердин сунуштарына артыкчылык берилет. Ден соолугунун мүмкүнчүлүктөрү чектелүү адамдарды, аялдарды жана жаштарды иш менен камсыз кылган чакан ишканалар үчүн жылына бир жолудан кем эмес мамлекеттик сатып алууларга катышуунун жол-жоболору боюнча кыска мөөнөттүү акысыз окуу курстары уюштурулат.

Мамлекеттик кардарларга корпоративдик банктык карталарды («сатып алуу карталары») колдонуу менен сатып алуу мүмкүнчүлүгү берилет. Мамлекеттик заказчылар тарабынан түз түзүлгөн келишимдерди коомдук талкуулоо, ошондой эле тендерлердин жыйынтыгы боюнча түзүлгөн отчетторду жарыялоо үчүн өзгөчө талап белгиленген.

Мындан тышкары, корпоративдик кардарлар менен кызматташууну орнотуунун жаңы системасы киргизилет. Ар бир жылдын аягында мамлекеттик сатып алуулар тармагында “Эң активдүү ишкер” жана “Мыкты кардар” сынактары өткөрүлөт. Чакан бизнеске көмөктөшүү борборлорунун жардамы менен иштелип чыккан долбоорлордун алкагында импорттук жабдууларды камсыздандырууга, чийки заттарды сертификациялоого кеткен чыгымдардын 50%га чейинкисин жабуу пландаштырылууда.