Мындай чечимди Казакстандын энергетика министри Алмасадам Саткалиев билдирди. Учурда Казакстан россиялык газды Өзбекстанга ташып жатат, бул жэрде газдын көлөмүн 3,8 миллиард куб метрге чейин жогорулатуу жөнүндө сөз болуп жатат. Кыргызстандык кесиптештер дагы бул транзит аркылуу Кыргызстанга газ жеткирүү боюнча «Газпром» менен сүйлөшүүлөрдү жүргүзүүдө.

Транзиттин көлөмүн көбөйтүүгө даярдык көрүү үчүн Казакстан газ инфраструктурасына инвестиция салууда. 2023-жылдын октябрында орус газы Казакстан аркылуу Өзбекстанга ташыла баштаган. 2023-жылы 1,28 млрд куб метр ташылган. 2024-жылы транзиттин көлөмүн 3,8 миллиард куб метрге, ал эми келечекте жылына 11 миллиард куб метрге чейин көбөйтүү пландалууда.

А.Саткалиев белгилегендей, Казакстан нөлдүк жоготууга жетишүү үчүн товардык газдын дүң баасын акырындап жогорулатып жатат. 2024-жылдын 1-июлунан тартып товардык газдын максималдуу баасы 14,6%га жогорулады. Бул инвестиция тартуу жана өлкөнүн газга болгон муктаждыгын жабуу үчүн зарыл.