Еуразиялық даму банкі (ЕАДБ) жеті мүше елдің 2025-2027 жылдарға арналған макроэкономикалық болжамын ұсынды. Есепте алғаш рет Өзбекстанға қатысты бағалаулар енгізілген.

Болжам бойынша, Қырғызстан экономикалық өсім бойынша аймақта көш бастап тұр. Елдің ЖІӨ 2025 жылы 10,3%-ға өсуі мүмкін, бұл ЕАДБ елдері арасындағы ең жоғары көрсеткіш болады. Бұл өсім экономикаға оң әсерін тигізетін күшті инвестициялық сұранысқа, үй шаруашылығының тұтынуының артуына және алтын бағасының жоғары болуына байланысты.

Салыстыру үшін басқа елдердегі болжамды өсу қарқыны:

• Армения – 5,5%
• Беларусь – 3%
• Қазақстан – 5,5%
• Ресей – 2%
• Тәжікстан – 8,4%
• Өзбекстан – 6,5%

Сонымен қатар, ЕАДБ аймақтағы жиынтық инфляция 2025 жылдың соңына қарай 7,7%-ға дейін төмендейді деп күтуде (2024 жылы 8,9%).