2 шілдеде ЕЭК Кедендік ынтымақтастық министрі Руслан Давыдовтың қатысуымен ЕАЭО аумағына заңсыз темекі өнімдерінің әкелінуі мен айналымына қарсы іс-қимыл шараларын әзірлеу жөніндегі жұмыс тобының бірінші отырысы өтті. Бұл туралы ЕЭК хабарлады.

Жұмыс тобы Еуразиялық экономикалық комиссияның Кедендік реттеу жөніндегі консультативтік комитеті жанынан құрылды және оның құрамына 80-нен астам қатысушы кіреді, оның жартысы оны құруға бастамашы болған бизнес-қоғамдастықтың өкілдері.

Отырыс барысында ЕАЭО-дағы темекі және құрамында никотин бар өнімдер нарығының ағымдағы жағдайы, осы саладағы заңсыз айналымның тенденциялары мен динамикасы, сондай-ақ осы өнімдердің автокөлікпен тасымалдануын қадағалау үшін навигациялық пломбаларды қолдану тәжірибесі талқыланды.

Жұмыс тобының мүшелері ЕАЭО елдерінің уәкілетті органдарын тарта отырып, ЕЭК алаңында әзірленетін Одақ нарығында темекі өнімдерінің заңсыз айналымының алдын алуға бағытталған бірінші кезектегі шаралар туралы ұсыныстар жасады.