Душанбе, 18 июл, АИ «Караван Инфо».  Хамкории Точикистону Чопон дар сохаи илму маориф ба мархилаи сифатан нав мерасад.  Дар ин бора дар мулокоти президенти академияи миллии илмхо Кобилчон Хушвахтзода бо Сафири Фавкулодда ва Мухтори Чопон дар Чумхурии Точикистон хонум Кейко Фурута, ки санаи  16 июл дар шахри Душанбе баргузор шуд, сухан мерафт.

Ба иттилои академияи миллии илмхои Точикистон, чонибхо натичахои шарикии байни Академия ва Донишгохи Акитаро бахои баланд доданд. Яке аз лоихахои калиди дар ин самт татбики ташаббуси истифодаи захирахои геотермали барои сохтани системахои устувори сохтмони мебошад.

Лоиха, ки соли 2022 аз чониби Маркази рушди инноватсионии илм ва технологияхои нави НАНТ дар якчояги бо хамкорони чопони огоз ёфт, ба кохиш додани вобастаги аз манбаъхои анъанавии энергия — ангишт, газ ва чуб, инчунин кохиш додани партовхои газхои гармхонаи нигаронида шудааст. Он хамчун сахми мухим дар рушди устувор ва амнияти экологии кишвар хисобида мешавад.

Илова ба тахкикоти илми, хамкори дар сохаи маориф ва тайёр намудани кадрхо фаъолона рушд мекунад. Аз соли 1993 инчониб зиёда аз 2500 мутахассис аз Точикистон дар Чопон омузиш ва курсхои такмили ихтисосро хатм намудаанд.

Барномаи JDS (Japanese Grant Aid for Human Resource Development Scholarship) ахамияти махсус дорад, ки дар доираи он аз соли 2009 136 хизматчии давлатии Точикистон дарачаи магистр ва доктори илмро дар донишгоххои пешрафтаи Чопон ба даст овардаанд.

Чонибхо нияти идомаи рушди шарикии илми ва таълими, аз чумла табодули хайатхо, баргузории конфронсхои муштарак ва васеъ намудани грантхои академи ва платформахои тадкикотиро тасдик намуданд.

“Чопон шарики боэътимоди стратегии Точикистон дар сохаи рушди устувор, навоварихои илми ва тайёр намудани кадрхои баландихтисос боки мемонад”, — таъкид намуданд иштирокчиёни мулокот.

АКСХО: академияи миллии илмхои Точикистон