2024-жылдын 18-июлунда Японияда Тажикстан Республикасынын Атайын жана Ыйгарым укуктуу Элчиси Фарход Салимдин Япония Императору Улуу Даражалуу Нарухитого ишеним грамотасын тапшыруу аземи болуп өттү. Бул тууралуу Тажикстандын Тышкы иштер министрлиги билдирди.

Япониянын Императору Тажикстан Республикасынын Президенти Эмомали Рахмонго чын жүрөктөн каалоо-тилектерин айтып, климаттын өзгөрүшү маселелери, анын кесепеттери жана эл аралык демилгелердин маанилүүлүгүн баса белгиледи.

Тажикстандын Япониядагы элчиси Тажикстан Республикасынын Президентинин бул багыттагы глобалдык демилгелерин өзгөчө белгилеп, «2025-Мөңгүлөрдү сактоонун эл аралык жылы» демилгесинин алкагында кызматташуунун маанилүүлүгүн белгиледи.

Бул иш-чара Тажикстан менен Япониянын ортосундагы достук мамилелерди жана эки өлкөнүн актуалдуу эл аралык көйгөйлөрдү, анын ичинде экологиялык проблемаларды жана климаттык көйгөйлөрдү чечүү боюнча биргелешип иштөө каалоосун баса белгиледи.

Сүрөттө: Тажикстан Республикасынын Тышкы иштер министрлиги