МОСКВА, 8 сентябри соли 2025 АИ «Караван Инфо». Намояндаи доимии Русия дар Вена Михаил Улянов изҳор дошт, ки ИМА ва давлатҳои аврупоӣ талошҳои дипломатии марбут ба барномаи ҳастаии эронро халалдор мекунанд.
Ба гуфтаи ӯ, ташаббуси оғози механизми баргардонидани таҳримҳо аз се кишвари аврупоӣ буд, ки расман иштирокчиёни нақшаи муштараки ҳамаҷонибаи амалҳо (НМҲА) боқӣ мемонанд.
“«Онҳо на ҳуқуқи қонунӣ, на мурофиавӣ ва на ҳатто маънавӣ барои ин кор надоранд, зеро маҳз онҳо НМҲА ва қарори 2231»-ро вайрон кардаанд ” гуфт дипломат дар мусоҳиба бо Press TV.
Вай мавқеи суди Байналмилалии СММ дар соли 1971-ро хотиррасон намуд, ки тибқи он тарафе, ки созишномаро вайрон намудааст, наметавонад ба он барои айбдор намудани дигар иштирокчиён ишора кунад.
Ба гуфтаи Улянов, давлатҳои ғарбӣ фаъолияти МАГАТЭРО сиёсӣ мекунанд. Вай вазъиятеро мисол овард, ки Котиботи оҷонсӣ ва Эрон дар музокирот пешрафт намуданд, аммо дар ин лаҳза “сегонаи” аврупоӣ механизми баргардонидани таҳримҳоро дар Ню-Йорк оғоз намуд.
НМҲА соли 2015 байни Эрон ва шаш миёнарави байналмилалӣ барои маҳдуд намудани барномаи ҳастаии Теҳрон дар ивази бекор намудани таҳримҳо баста шуд.
Соли 2018 ИМА якҷониба аз созишнома хориҷ шуд, ки ин як силсила буҳронҳоро ба вуҷуд овард ва механизми назорати байналмилалиро суст намуд.
Аксҳо: манбаъҳои кушода