МОСКВА, 8 сентябри соли 2025 АИ «Караван Инфо». Танкери русии “Восход” бо як партияи гази моеъи табиӣ бо ҳаҷми 150 ҳазор метри мукааб ба бандари тешани Чин омад.

Ин дуввумин таҳвили лоиҳаи “АРКТИК СПГ-2” аст, ки таҳримҳои ғарбиро сарфи назар мекунад. Аввалин интиқол дар охири моҳи август бо киштии “Арктик Мулан”анҷом дода шуд.

Таҳвили нав пас аз мулоқоти президентҳои Русия ва Чин ба амал омад, ки ба он аҳамияти махсуси сиёсӣ ва стратегӣ медиҳад.

Коршиносон қайд мекунанд, ки дар пасманзари маҳдудиятҳо, Маскав содироти захираҳои энергетикиро дар самти Осиё фаъолона тақвият медиҳад ва коҳиши интиқолро ба Аврупо ҷуброн мекунад.

Бо вуҷуди фишори таҳримҳо ва мушкилоти логистикӣ, ҳамкории энергетикии Русия ва Чин рушди пешрафтаро нишон медиҳад.

Нозирони байналмилалӣ таъкид мекунанд, ки гуфтушунидҳои роҳбарони ду кишвар аллакай ба сатҳи амалӣ гузаштанд ва ин бо парвозҳои мунтазами танкерҳо тасдиқ намуда мешавад.

Лоиҳаи “АРКТИК СПГ-2” дар нимҷазираи Гидан амалӣ намуда мешавад ва яке аз бузургтарин лоиҳаҳои Русия оид ба истихроҷ ва содироти гази моеъ мебошад.

Пас аз ҷорӣ шудани таҳримҳои кишвари Ғарб, Маскав интиқоли нерӯи барқро ба Осиё, асосан ба Чин ва Ҳиндустон, фаъолона равона мекунад. Пекин, дар навбати худ, ҳамкориро бо Русия ҳамчун имконияти таҳкими амнияти энергетикии худ мешуморад.

Акс тасвирӣ