МОСКВА, 8 сентябри соли 2025 АИ «Караван Инфо».  Лаос ҳамкориро бо Русия дар соҳаи нақлиёти бесарнишин тақвият медиҳад. Дар ин бора сарвазири кишвар Сонсай Сипхандон дар мусоҳиба дар форуми иқтисодии Шарқӣ изҳор дошт.

Ба гуфтаи у, дронҳо аллакай дар Лаос, аз ҷумла дар соҳаи тандурустӣ истифода мешаванд ва лоиҳаҳои муштарак бо низомиёни Русия имкон медиҳанд, ки истифодаи технологияро васеъ кунанд.

Сарвазир таъкид намуд, ки дар оянда идораҳои давлатӣ, аз ҷумла вазорати технология ва алоқа ба кор пайваст мешаванд.

Дар назар аст, ки истифодаи ҳавопаймоҳои бесарнишин дар кашфи маъданҳои фоиданок ва ҳифзи муҳити зист рушд дода шавад.

“Масалан, одамонро ба ҳама ҷангалҳо, бахусус ба ҷойҳои душворгузар фиристодан ғайриимкон аст. Барои чунин мақсадҳо беҳтар аст, ки мушоҳидаи моҳвораӣ ва дронҳоро истифода баред ” гуфт ӯ.

Дар Лаос аллакай истеҳсоли ҳавопаймоҳои бесарнишини худӣ ба роҳ монда шудааст, аммо то ҳол системаи идоракунии онҳо дар муқоиса бо ҳамтоени русӣ дар масофаи камтар кор мекунад.

Ёдовар мешавем, ки форуми даҳуми иқтисодии Шарқӣ санаи 3-6 сентябр дар Владивосток дар майдони донишгоҳи федералии Шарқи Дур баргузор шуд. Мавзӯи асосии ин сол ҳамкории байналмилалӣ дар Шарқи Дур буд.

Русия шарикии технология ва инноватсияро бо кишварҳои Осиё, аз ҷумла Лаос, ки дар он ҷо дронҳо ҳамчун воситаи муҳим барои экология ва иқтисод баррасӣ мешаванд, фаъолона рушд медиҳад.

Аксҳо: ВМ ФР