МОСКВА, 15 сентябри соли 2025 АИ «Караван инфо». Раёсати асосии кашфиёти (РАК) Вазорати Мудофиаи Украина дар бораи гузаронидани амалиёти диверсионӣ дар инфрасохтори роҳи оҳан дар Русия хабар дод.

Ҳамлаҳо 13 сентябр дар вилояти Орлов ва шаби 14 сентябр дар вилояти Ленинград сурат гирифтанд.

Ба гуфтаи намояндаи РАК, қитъаҳои осебдида барои таъминоти нерӯҳои русия дар самтҳои Харков ва Сум муҳим мебошанд. Вай қайд намуд, ки вайрон намудани инфрасохтор бояд логистикаи артиши ФР-ро мушкилтар кунад ва имкониятҳои онро дар амалиёти ҷангӣ коҳиш диҳад.

Дар айни замон, аз ҷониби мақомоти украина тасдиқи расмӣ ворид нашудааст.

Ёдовар мешавем, ки рӯзи 13 сентябр дар Вилояти Орлов ҳангоми кӯшиши безарар намудани дастгоҳҳои тарканда се корманди Росгвардия кушта шуданд. Дар Вилояти Ленинград ду қатора аз релс баромад, машинист кушта шуд.

Аз оғози низоъ, инфрасохтори роҳи оҳан яке аз ҳадафҳои асосии ҳамлаҳо боқӣ мемонад, зеро он ба суръати интиқоли нерӯҳо ва таъминот бевосита таъсир мерасонад.

Чунин ҳодисаҳо қаблан ҳам дар минтақаҳои наздимарзии русия ва ҳам дар қаламрави украина рух дода буданд, ки ин нақши роҳи оҳанро дар ҷанги муосир таъкид мекунад.

Аксҳо: манбаъҳои Кушода