Душанбе, 19 сентябр, – АИ «Корвон Иттилоот». Имрӯз дар Китобхонаи миллии Тоҷикистон 17 сентябр бо пуштибонии Ҳукумати кишвар Форуми байналмилалии сармоягузорӣ дар соҳаи туризм таҳти унвони «Табдили иқтисодиёт тавассути сармоягузориҳои стратегӣ дар туризм» баргузор гардид.
Форумро Комитети рушди туризм назди Ҳукумати Ҷумҳурии Тоҷикистон бо ҳамкории Созмони ҷаҳонии туризм ташкил намуд ва дар он зиёда аз 50 намоянда аз 22 кишвари ҷаҳон иштирок доштанд.
Дар маросими ифтитоҳи форум иштирок намуданд:
- Муовини аввали Сарвазири ҶТ Хоким Холикзода;
- Раиси Кумитаи рушди туризм Ҷамшед Ҷумахонзода;
- Вазири туризми Черногория ва раиси Комиссияи СММ оид ба туризм дар Аврупо Симонида Кордич;
- Координатори доимии СММ дар Тоҷикистон Кавилмадам Рамасвами Парвати;
- Директори Шӯъбаи аврупоии СММ оид ба туризм Кордула Вулмутер.
Хоким Холикзода захираҳои беназири табиӣ ва фарҳангии Тоҷикистонро, аз ҷумла яхчалпаҳлҳо, рӯдҳои тоза, кӯҳҳои зебо, ёдгориҳои таърихӣ ва меъмории Роҳи бузурги абрешим ва анъанаҳои гарми меҳмоннавозии мардуми тоҷик, бо диққат ёдовар шуд. Ӯ таъкид намуд, ки ин захираҳо беш аз пеш таваҷҷӯҳи туристони хориҷиро ҷалб мекунанд.
Дар форум самтҳои асосии рушди соҳаи туризми кишвар муайян карда шуданд:
- туризми экологӣ;
- туризми табобатӣ ва солимгардонӣ;
- туризми таърихию фарҳангӣ;
- туризми кӯҳӣ ва шикор.
Ҷамшед Ҷумахонзода қайд намуд, ки аз замони соҳибистиқлолӣ бо иқдоми Президенти Тоҷикистон, муҳтарам Эмомалӣ Раҳмон, дар соҳаи туризм ислоҳоти муҳим амалӣ шуда, шумораи музейҳо, марказҳои фарҳангӣ ва фароғатӣ, ширкатҳои туристӣ, меҳмонхонаҳо, хостелҳо ва мотелҳо зиёд гардид ва бунёд ва таҷдиди инфрасохтори туризм бо суръати баланд идома дорад.
Симонида Кордич аҳамияти форумро барои соҳаи ҷаҳонии туризм таъкид кард. Ба гуфтаи ӯ, ҳиссаи туризм дар маҷмӯи маҳсулоти дохилӣ (ВВП) зиёда аз 3,5 % ва 30 % тиҷорати ҷаҳонӣ ва даромади хизматрасониҳои туристии байналмилалӣ то 1,6 триллион доллари ИМА мебошад. Ӯ таъкид намуд, ки туризм имкониятҳои нави молӣ барои татбиқи барномаҳои иҷтимоӣ ва сармоягузорӣ дар инфрасохтор фароҳам меорад.
Дар доираи форум ташкилотҳои туристии байналмилалӣ ва ширкатҳои хориҷӣ барои тақвияти ҳамкории судманди дуҷониба даъват шуданд. Ҳамчунин якчанд санадҳо оид ба ҳамкорӣ дар соҳаи туризм имзо гардиданд ва барои меҳмонон ва иштирокчиёни форум сафари сайёҳӣ ба ёдгориҳои таърихӣ ва ҷозибаҳои кишвар ташкил шуд.
Дар рӯзи 18 сентябр иштирокчиён дар дуввумин «Намоишгоҳи байналмилалии туризми Душанбе» (Dushanbe International Tourism Exhibition — DITE) иштирок хоҳанд кард, ки дар он бо ташкили бозори туристии минтақавӣ дар Душанбе ва захираҳои табиию фарҳангӣ ва солимгардонии кишвар ошно мешаванд.
Тоҷикистон аз соли 2007 узви комилҳуқуқи Созмони ҷаҳонии туризм мебошад. Баргузории форуми байналмилалии сармоягузорӣ дар соҳаи туризм ба тақвияти мавқеи кишвар дар миёни давлатҳои узв, татбиқи «Стратегияи ҷалби сармоягузорӣ ба Ҷумҳурии Тоҷикистон то соли 2040» ва рушди соҳаи туризм то соли 2030 мусоидат мекунад.
АКС: АМИТ “ХОВАР”