Экономика министрлиги транспорт каражаттарынын бардык түрлөрүн милдеттүү техникалык кароодон этап-этабы менен киргизүү планын сунуштады. Тиешелүү токтом долбоору коомдук талкууга коюлду.

Түшүндүрмө катта негизги милдет – атмосферага зыяндуу заттарды чыгарууну азайтуу аркылуу жол коопсуздугун жогорулатуу жана экологиялык абалды жакшыртуу экени белгиленет.

Учурда милдеттүү техникалык кароодон жүк ташуу, жүргүнчүлөрдү ташуу (анын ичинде такси) жана адистештирилген автотранспорт каражаттары, мисалы, тез жардам, өрт өчүрүүчү машиналар жана башкалар гана өткөрүлөт. Калган унаалар өз ыктыяры менен текшерилет.

Ички иштер министрлигинин маалыматы боюнча, 2024-жылдын 1-февралына карата Кыргызстанда 1,6 миллион унаа катталса, анын 1,5 миллиондон ашыгы техникалык кароодон өткөрүлөт.

Долбоордун коопсуздугуна уруксаты бар жети жашка чейинки унаалар техникалык кароодон өтпөйт деп болжолдонууда.

Милдеттүү техникалык кароону киргизүү Бишкек жана Ош шаарларында гана эмес, республика боюнча экологиялык абалды жакшыртаарын министрлик баса белгиледи. Документтин долбооруна 2024-2027-жылдарга жол картасы тиркелет.

Эске салсак, милдеттүү техникалык кароо 2012-жылы коррупциялык тобокелдиктерден улам жоюлуп, 2017-жылы айрым категориядагы автоунаалар үчүн калыбына келтирилген.