КАБУЛ, 2026 жылғы 19 қаңтар — Karavan Info жаңалықтар агенттігі. Кабул полиция департаментінің хабарлауынша, бүгін Шахр-е-Нау ауданындағы Гулха көшесінде (Гүл көшесі) болған жарылыстың нысанасы қытайлық мұсылмандар мен ауғандықтардың бірлескен кәсіпорны болып табылатын Chinese Noodle мейрамханасы болған. Оқиғада жеті адам, оның ішінде Қытай азаматы қаза тапты.

Кабул полиция департаментінің өкілі Халид Задран әлеуметтік желідегі парақшасында мейрамхананы Абдул Маджид есімді қытайлық мұсылман, оның әйелі және Абдул Джаббар Махмуд есімді ауғандық басқаратынын жазды.

Задранның айтуынша, Абдул Маджид Қытайдың Шыңжаң провинциясының тумасы, ал мекемедегі тамақ негізінен қытайлық мұсылмандарға дайындалып, сатылған.

Талибан өкілінің айтуынша, бүгінгі жарылыста Қытай азаматы Аюб пен алты ауған азаматы қаза тауып, тағы бірнешеуі жараланған.

Оның айтуынша, жарылыс мейрамхана асханасының жанында болған, оқиғаның себебін анықтау жұмыстары жалғасуда.

Фото: Халид Задранның әлеуметтік желідегі ресми аккаунты