АФҒОНИСТОН, 6 феврали соли 2026 – Хабаргузории Karavan Info. Сандуқи кӯдакони Созмони Милали Муттаҳид (ЮНИСЕФ) гузориш дод, ки дар соли 2025 92,5% кӯдакони аз шаш моҳа то даҳсола дар Афғонистон бар зидди сурхча эм карда шудаанд.

Ин созмон қайд кард, ки бо дастгирии хайриякунандагон, оғози маъракаи эмгузаронӣ хатари гирифтор шудан ба ин беморӣ аз ҷониби кӯдаконро коҳиш додааст.

Дар гузорише, ки аз ҷониби ЮНИСЕФ нашр шудааст, таъкид шудааст, ки барои ҳифзи кӯдакон чораҳои амалӣ ва сармоягузориҳои доимӣ заруранд.

ЮНИСЕФ инчунин таъкид кард, ки маъракаҳои эмгузаронӣ ҷони кӯдаконро наҷот медиҳанд. Дар моҳҳои апрел ва майи соли гузашта, созмони "Духтурони бидуни марз" аз афзоиши ҳолатҳои сурхча дар Афғонистон ҳушдор дода буд.

Ба гуфтаи ин созмон, имсол тақрибан 5000 кӯдаки гирифтори сурхча дар марказҳои саломатии он дар вилоятҳои Балх, Ҳирот ва Ҳилманд табобат гирифтаанд.

Акс: ЮНИСЕФ