АУҒАНСТАН, 2026 жылғы 24 сәуір — Karavan Info жаңалықтар агенттігі. Пәкістан билігі Қырғызстаннан келетін коммерциялық тауарлардың алғашқы партиясы елге жаңа бағыт арқылы жеткізілгенін хабарлады. Бұл қадам Ауғанстанмен шекарадағы қақтығыстардың жалғасуына және сауда жолдарының үнемі жабылуына жауап ретінде жасалды.

Үкіметтің мәліметінше, жүк Пәкістанға жеткенге дейін Хунджераб асуы мен құрғақ порт арқылы өткен. Ұлттық логистикалық компания өкілдері жаңа бағыт Орталық Азия елдерінен — Қырғызстан, Тәжікстан, Түрікменстан, Қазақстан және Өзбекстаннан — Карачи портына тікелей қатынауды қамтамасыз ететінін мәлімдеді.

Пәкістан шенеуніктері бұл бағыттың Ауғанстанды айналып өтіп, елдің аймақтағы маңызды транзиттік хаб ретіндегі рөлін күшейтетінін атап өтті. Дегенмен, сауда сарапшылары бұл бағытты ұзақ және қымбат деп санайды.

Arab News басылымының мәліметі бойынша, бұл бағыттың дамуы Ауғанстан мен Пәкістан арасындағы қарым-қатынастың нашарлауымен, шекарадағы қақтығыстармен және дәстүрлі сауда жолдарын пайдалануды шектеген қауіпсіздік мәселелерімен байланысты.

Пәкістан билігі жаңа бағытты тұрақтылық үшін маңызды деп атағанымен, кейбір жергілікті кәсіпкерлер Қытай арқылы өтетін жолдың ұзағырақ уақыт алып, көлік шығындарын арттыратынына алаңдаушылық білдіруде.

Өткен жылы Ауғанстан мен Пәкістан арасындағы сауда көлемі 1 миллиард долларға жеткені, бірақ қазіргі уақытта ол нөлге дейін төмендегені және екі тарап та балама сауда жолдарын іздестіріп жатқаны атап өтілді.

Фото: Уикипедия