Остона, 1 июни соли 2026-АИ Караван инфо. Дар Остона ҷаласаи 23-юми Кумитаи ҳамкорӣ дар конфигуратсияи сиёсӣ дар доираи Созишнома дар бораи шарикии васеъ ва ҳамкорӣ баргузор гардид. Ҷониби қазоқистонро муовини вазири корҳои хориҷӣ Арман Исетов, тарафи аврупоиро муовини роҳбари хадамоти Амалиёти хориҷии Аврупо Одроне Перкаускене роҳбарӣ намуд.

Ҷонибҳо ислоҳоти сиесиро дар Қазоқистон, муколама оид ба идоракунии самараноки давлатӣ, ислоҳоти судӣ ва волоияти ҳуқуқ баррасӣ намуданд. Самтҳои стратегӣ барои таҳкими шарикӣ дар соҳаҳои алоқаи нақлиётӣ-логистикӣ, энергетикаи сабз, ҳифзи муҳити зист, таҳвили ашёи хоми муҳим ва тавсеаи иқтидори содиротӣ муайян намуда шуданд.

Исетов қайд намуд, ки ИА бузургтарин шарики тиҷоратӣ ва сармоягузории Қазоқистон боқӣ мемонад. Ҳаҷми тиҷорати мутақобила дар соли 2025 ба 45 миллиард доллар расид, вуруди сармояи аврупоӣ аз соли 2005 то 2025 аз 200 миллиард доллар зиёд буд. Дар Қазоқистон зиёда аз 4 ҳазор ширкатҳои аврупоӣ фаъолият мекунанд.

Ҷонибҳо дурнамои содда намудани низоми раводидро барои шаҳрвандони Қазоқистон баррасӣ намуданд.

Аксҳо: ВКХ ҶҚ