Остона, 04 июни соли 2026-АИ Караван инфо Маъракаи кишти баҳорӣ дар Қазоқистон дар ҳолати муқаррарӣ сурат мегирад ва боришоти фаровон дар минтақаҳои шимолии кишвар эътимоди кишоварзонро ба ҳосили хуб баланд бардоштааст. Тибқи маълумоти Вазорати Кишоварзӣ, имрӯз дар майдони 20,9 миллион гектар зироатҳои кишоварзӣ кишт намуда шудаанд.

Ҳаҷми зиёди корҳо ба вилоятҳои Акмолин, Костанай ва Қазоқистони Шимолӣ рост меояд. Дар ин ҷо кишти ғалладона ва равғанӣ фаъолона идома дорад.

Боронҳои ахир ба кишоварзони Вилояти Костанай хушбинии хоса оварданд. Тавре, ки ҳокими минтақа Кумар Аксакалов қайд намуд, дар як қатор хоҷагиҳо аз 44 то 60 мм борон борид, ки вазъи хокро хеле беҳтар намуд.

“Ташкилотҳои кишоварзӣ аз боронҳои гузашта хеле қаноатманданд ва ба рушди вазъ хушбинанд” гуфт ҳокими Вилояти Костанай.

Тибқи иттилои мақомот, захираи намӣ дар хок ҳанӯз кофӣ аст, гарчанде, ки минтақаҳои ҷанубӣ ҳанӯз ҳам боришотро интизоранд. Дар маҷмӯъ, зироатҳои ғалладона дар кишвар дар майдони 15 миллион гектар, равғанӣ дар майдони 4,2 миллион гектар ҷойгир намуда шудаанд.

Аксҳо: ҳокимияти Вилояти Костанай