BRYUSSEL, 2026-yil 22-iyun – Karavan Info axborot agentligi. Qozogʻiston Prezidenti Qosim-Jomart Tokayev rasmiy tashrif bilan Bryusselga keldi. Belgiya poytaxti aeroportida uning sharafiga faxriy qorovul saf tortdi.

Qozogʻiston Prezidentini Yevropa Ittifoqining Markaziy Osiyo boʻyicha maxsus vakili Eduards Stiprais va boshqa rasmiy shaxslar kutib oldi.

Tashrif davomida Qosim-Jomart Toqayev Yevropa Kengashi Prezidenti Antonio Kosta va Yevropa Komissiyasi Prezidenti Ursula fon der Lyayen bilan muzokaralar olib boradi.

Tomonlar Qozogʻiston va Yevropa Ittifoqi oʻrtasidagi kengaytirilgan sheriklik va hamkorlikni mustahkamlash istiqbollarini muhokama qiladilar. Uchrashuvlar yakunida bir qator muhim qoʻshma hujjatlar imzolanishi rejalashtirilgan.

Davlat rahbari, shuningdek, Yevropaning yirik kompaniyalari rahbarlari ishtirokida bo'lib o'tadigan "Qozog'iston – Yevropa Ittifoqi" davra suhbatida nutq so'zlaydi va bir qator ikki tomonlama uchrashuvlar o'tkazadi.

Qozogʻiston Prezidentining Bryusselga rasmiy tashrifi 22-23 iyun kunlari Yevropa Kengashi Prezidenti António Kostaning taklifiga binoan boʻlib oʻtadi.

Surat: akorda.kz(akorda.kz)