МОСКВА, 2026-жылдын 30-июну – Karavan Info маалымат агенттиги. Кечээ, 29-июнда, Орусиянын президенти Владимир Путин Түркмөнстандын Халк Маслахатынын төрагасы Гурбангулы Бердымухамедовду туулган күнү менен куттуктады. Түркмөн мамлекеттик ишмери 69 жашка толду.

Куттуктоо катында орус лидери Бердымухамедовдун Түркмөнстандагы жана эл аралык деңгээлдеги жогорку кадыр-баркын, ошондой эле орус-түркмөн мамилелеринин өнүгүшүнө кошкон салымын белгиледи.

Путин Москва менен Ашхабаддын ортосундагы стратегиялык өнөктөштүктүн мындан ары да бекемделерине ишенимин билдирип, Бердымухамедовго чың ден соолук, бакубатчылык жана ийгилик каалады.

Сүрөт: ТАСС