Астана, 2026 жылғы 1 шілде – Karavan Info ақпараттық агенттігі. Қазақстан Президенті Қасым-Жомарт Тоқаев Конго Демократиялық Республикасының Президенті Феликс-Антуан Тшисекеди Тшиломбоға елдің Тәуелсіздік күніне орай құттықтау жеделхатын жолдады.
Мемлекет басшысы Қазақстанның Конго Демократиялық Республикасын Африка құрлығындағы маңызды және сенімді серіктес ретінде қарастыратынын атап өтіп, екіжақты ынтымақтастықтың одан әрі нығая түсетініне сенім білдірді.
«Бірлескен күш-жігеріміз арқылы елдеріміз арасындағы ынтымақтастық екі халықтың игілігі үшін дами беретініне сенімдімін», — делінген құттықтауда.
Қасым-Жомарт Тоқаев Конго Демократиялық Республикасының Президентіне мемлекеттік қызметінде табыс, ал ел халқына бейбітшілік, игілік және гүлдену тіледі.
Фото: Ақорда