Душанбе, 2026 жылғы 19 қазан – Karavan Info ақпараттық агенттігі. Қазақстан Сыртқы істер министрлігінің Ерекше тапсырмалар жөніндегі елшісі Мұрат Мұқышев Шанхай ынтымақтастық ұйымына (ШЫҰ) мүше мемлекеттердің Ұлттық үйлестірушілер кеңесінің отырысына қатысты. Кездесу 15-18 қазан аралығында Душанбеде өтті.

Қатысушылар сауда-экономикалық, мәдени-гуманитарлық ынтымақтастықты, сондай-ақ 2026-2027 жылдардағы ШЫҰ саммиті мен жоғары деңгейдегі іс-шаралар кестесін талқылады. 19-20 қазанда Душанбеде өтетін ШЫҰ мүше мемлекеттерінің үкімет басшылары (премьер-министрлері) кеңесінің отырысына дайындық жұмыстары қаралды. Транзиттік-көлік ынтымақтастығы, қаржылық ынтымақтастық және ұйым қызметін жетілдіру бойынша қорытынды құжаттардың жобаларына ерекше назар аударылды.

Кездесу қорытындысы бойынша үйлестірушілер мүше мемлекеттер арасындағы көп салалы ынтымақтастықты нығайту үшін ШЫҰ тетіктерінің тиімділігін арттыру шараларын жалғастыруға келісті.

Фото : Қазақстан Республикасы Сыртқы істер министрлігі