Астана, 2026 жылғы 1 шілде – Karavan Info ақпараттық агенттігі. ҚР Сыртқы істер министрі Ермек Көшербаев Әзірбайжан Сыртқы істер министрі Джейхун Байрамовпен телефон арқылы сөйлесті. Тараптар екіжақты қарым-қатынастардың динамикасын жоғары бағалап, стратегиялық серіктестікті нығайтуға ниетті екендіктерін растады.
Талқылау барысында ағымдағы екіжақты мәселелер, аймақтық және халықаралық мәселелер, соның ішінде Азиядағы өзара іс-қимыл және сенім шаралары жөніндегі кеңес (АӨСШК) аясындағы ынтымақтастық және қазан айында Бакуде өтетін ұйымның саммитіне дайындық мәселелері талқыланды.
Министрлер сауда, инвестиция, өнеркәсіптік кооперация, көлік, логистика және ақпараттық-коммуникациялық технологиялар салаларындағы саяси диалог пен практикалық ынтымақтастықты кеңейтуге келісті.
Фото : Қазақстан Республикасы Сыртқы істер министрлігі