Астана, 2026 жылғы 6 шілде – Karavan Info ақпараттық агенттігі. Елордада ITTF үстел теннисі бойынша әлем чемпионатының финалын 2027 жылы Астанада өткізу туралы келісімге қол қойылды. Құжатқа Халықаралық үстел теннисі федерациясының (ITTF) президенті Петра Зёрлинг, Туризм және спорт министрі Ербол Мырзабосынов, Астана әкімі Жеңіс Қасымбек және басқа да лауазымды тұлғалар қол қойды.
Турнирге әлемнің ең мықты ойыншылары, федерация өкілдері, мыңдаған жанкүйерлер және халықаралық БАҚ өкілдері қатысады. Бұл Қазақстанда өтетін осындай деңгейдегі алғашқы әлем чемпионаты.
2026 жылы Астанада 15-20 қыркүйек аралығында WTT Star Contender турнирі (Әлемдік кәсіби теннис турының ең беделді алты кезеңінің бірі) — 2026 жылғы Президент кубогы өтеді. Қытай, Жапония, Корея, Франция, Германия және Бразилияны қоса алғанда, 30-дан астам елден шамамен 190 спортшы бақ сынайды деп күтілуде. Сондай-ақ, 20-ға дейін қазақстандық қатысады.
Ұйымдастырушы — Министрлік пен Әкімдіктің қолдауымен Nomad үстел теннисі академиясы.
Фото : Қазақстан Республикасы Туризм және спорт министрлігі