Остона, 17 июли соли 2026-АИ «Караван Инфо». Президенти Қазоқистон Қасим-Жомарт Токаев дар Шанхай бо роҳбарони ширкатҳои пешрафтаи Баландтехнологии Чин мулоқот намуд. Дар ҷараёни мизи мудаввар масъалаҳои рақамикунонӣ, зеҳни сунъӣ, нақлиёт, логистика ва рушди саноат муҳокима намуда шуданд.

Сарвари давлат қайд кард, ки муносибатҳои Қазоқистону Чин ба сатҳи бесобиқа расида, ба “сисолагии тиллоӣ”-и нав ворид шуданд. Сатҳи баланди эътимоди сиёсӣ барои густариши ҳамкориҳои сармоягузорӣ ва технологӣ заминаи мустаҳкам фароҳам меорад, гуфт ӯ.

“Қазоқистон ва Чин якҷоя ба сисолагии нави тиллоии муносибатҳо ворид шуданд. Халқҳои мо эътимоди тарафайн, дӯстии самимӣ ва назари муштаракро ба оянда муттаҳид мекунанд”,- таъкид намуд Касим-Ҷомарт Токаев.

Президент афзалиятҳои тағйирёбии рақамии кишварро муаррифӣ намуд, ки дар бораи рушди зеҳни сунъӣ, логистикаи рақамӣ ва шаҳри Алатау, ки аз рӯи принсипи Digital by Default (Диджитал бай Дефолт) сохта шудааст, нақл намуд.

“Мо на танҳо барои ҷалби сармоя, балки якҷоя сохтани технологияҳои нав, марказҳои илмӣ ва иқтисоди дониш кӯшиш мекунем”, – изҳор Дошт Президент.

Дар натиҷаи мулоқот беш аз 70 санади тиҷоратӣ ба маблағи умумии беш аз 15 миллиард доллар ба имзо расид. Созишномаҳо соҳаҳои зеҳни сунъӣ, робототехника, истеҳсоли мошинҳои барқӣ, инфрасохтори нақлиётӣ, молия ва телекоммуникатсияро фаро мегиранд.

Ба ақидаи коршиносон, созишномаҳои имзошуда барои навсозии технологии Қазоқистон имкониятҳои нав фароҳам меоранд ва мақоми Кишварро ҳамчун яке аз шарикони калидии Чин дар Осиёи Марказӣ мустаҳкам мекунанд.

Аксҳо: Акорда