Торонто, 2026 жылғы 10 тамыз – Karavan Info ақпараттық агенттігі. Қазақстан әйелдер теннисі құрамасының көшбасшысы Елена Рыбакина Канаданың Торонто қаласында өтіп жатқан WTA 1000 турнирінің ширек финалына шықты.

1/8 финалдық кездесуде қазақстандық спортшы ресейлік Людмила Самсонованы жеңді. Кездесу үш сетке созылып, 6:4, 4:6, 6:4 есебімен Рыбакинаның пайдасына аяқталды.

Жарыстың келесі кезеңінде Елена Рыбакинаның қарсыласы жапондық Наоми Осака болады.

Фото : ҚР ҰОК