Астана, 2026 жылғы 13 тамыз – Karavan Info ақпараттық агенттігі. Қазақстан Республикасының Сыртқы істер министрі Ермек Көшербаев АҚШ Мемлекеттік хатшысының Оңтүстік және Орталық Азия істері жөніндегі көмекшісі Пол Капурды қабылдады.
Кездесу барысында дипломаттар екі ел арасындағы кеңейтілген стратегиялық серіктестікті нығайту мәселелерін талқылады. Ермек Көшербаев әріптесіне республикадағы әлеуметтік-экономикалық және саяси өзгерістер туралы ақпарат беріп, 23 тамызға белгіленген Құрылтай сайлауы жаңа конституциялық модельді жүзеге асырудағы маңызды қадам болатынын атап өтті.
Өз кезегінде Пол Капур Вашингтонның практикалық ынтымақтастықты кеңейтуге деген қызығушылығын растады. Энергетика, маңызды минералды ресурстарды игеру, озық технологиялар, цифрлық трансформация, логистика және инвестиция ынтымақтастықтың басым бағыттары ретінде анықталды.
Фото : Қазақстан Республикасы Сыртқы істер министрлігі