Астана, 2026 жылғы 19 тамыз – Karavan Info ақпараттық агенттігі. Оралдағы Жайық Аренада есту қабілеті нашар спортшыларға арналған IV Қазақстан спартакиадасының ашылу салтанаты өтті. Жарысқа еліміздің 19 аймағынан 1500-ден астам спортшы қатысуда.

Биыл спортшылар 10 спорт түрінен бақ сынасып, 274 медаль жиынтығын сарапқа салуда. Жарыстар Алматы, Алматы облысында және Орал қалаларында өтеді. Батыс Қазақстан облысында 17-25 тамыз аралығында шахмат, бадминтон, үстел теннисі, дзюдо, таэквондо, футбол және күрестен үздік спортшылар анықталады.

Ашылу салтанатында спортшыларды Туризм және спорт министрлігінің, спорт ұйымдарының және Ұлттық сурдолимпиада комитетінің өкілдері қарсы алды.

«Мен бұл Спартакиада жаңа есімдерді ашып, болашақта жоғары нәтижелерге қол жеткізіп, Қазақстанды халықаралық аренада абыроймен таныстыратын спортшылар үшін старт алаңына айналатынына сенімдімін», — деді Спорт және дене шынықтыру комитеті төрағасының орынбасары Нұрлан Есембаев .

Спартакиада төрт жылда бір рет өткізіледі. Оның негізгі мақсаттары — Сурдлимпиадалық спорт түрлерін дамыту, спортшылардың шеберлігін арттыру және ұлттық құрамаға ең үздік спортшыларды іріктеу.

Жарыс 25 тамызда аяқталады.

Фото: МТС РК