Астана, 2026 жылғы 19 тамыз – Karavan Info ақпараттық агенттігі. Қазақстан Республикасы Сыртқы істер министрінің орынбасары Арман Исағалиев Намибия Республикасының Қазақстан Республикасындағы жаңадан тағайындалған елшісі (бір мезгілде) Моника Нашандиден сенім грамоталарының көшірмелерін қабылдады.

Кездесу барысында тараптар саяси диалогты жандандыруға, сауда-экономикалық байланыстарды кеңейтуге және мәдени-гуманитарлық байланыстарды нығайтуға баса назар аудара отырып, екіжақты қарым-қатынастардың қазіргі жағдайы мен даму перспективаларын талқылады. Қазақстан тарабы Моника Нашандиді дипломатиялық миссиясының басталуымен құттықтап, оның жұмысы Астана мен Виндхук арасындағы өзара тиімді серіктестікке серпін беретініне сенім білдірді.

Дипломаттар екіжақты және халықаралық ұйымдар аясында тұрақты консультациялар мен бірлескен жұмысты жалғастыруға дайын екендіктерін растады.

Фото : Қазақстан Республикасы Сыртқы істер министрлігі