Астана, 2026 жылғы 20 тамыз – Karavan Info ақпараттық агенттігі. Қазақстан Республикасының Сыртқы істер министрі Ермек Көшербаев Астанаға ТМД-ның Бірінші еріктілер форумына қатысу үшін келген БҰҰ еріктілер бағдарламасының (БҰҰЕ) атқарушы үйлестірушісі Тойлы Құрбановпен кездесті.

Келіссөздер барысында тараптар Қазақстан Президенті Қасым-Жомарт Тоқаевтың бастамасымен жарияланған Халықаралық тұрақты даму үшін еріктілер жылын жүзеге асыру мәселесін талқылады. Т. Құрбанов Қазақстанның еріктілер қозғалысын халықаралық деңгейде ілгерілетудегі маңызды рөлін атап өтті. Қазақстан тарапы өз кезегінде Каспий теңізін сақтау және Арал теңізі аймағын қалпына келтіру бойынша экологиялық жобалардың нәтижелерін ұсынды. Кездесу қорытындысы бойынша тараптар қазақстандық еріктілердің БҰҰ-ның халықаралық құрылымдарына қатысуын кеңейтуге және олардың бірлескен жұмысын 2026 жылдан кейін де жалғастыруға келісті.

Фото : Қазақстан Республикасы Сыртқы істер министрлігі