Шавкат Мирзиёев Қасым-Жомарт Тоқаевты Қазақстан Республикасы Құрылтайы депутаттарының алғашқы сайлауының сәтті өтуімен құттықтады. Қазақстан Президенті Шавкат Мирзиёевке қолдау көрсеткені және Өзбекстаннан, соның ішінде халықаралық ұйымдар құрамында бақылаушылар миссиясын жібергені үшін алғыс айтты.

Мемлекет басшысы Өзбекстан көшбасшысын елдегі ішкі саяси реформалар туралы хабардар етті. Қасым-Жомарт Тоқаев Құрылтай прогрессивті, заманауи және әділ Қазақстанды құруға бағытталған саяси реформалардың маңызды бөлігі екенін атап өтті. Екі көшбасшы достық пен стратегиялық серіктестік рухында үнемі нығайып келе жатқан қазақ-өзбек қарым-қатынастарының дамуына қанағаттанатындықтарын білдірді.

Әңгіме барысында сауда-экономикалық байланыстарды одан әрі кеңейтуге, көлік және логистика саласында бірлескен инвестициялық жобаларды жүзеге асыруға, өнеркәсіптік ынтымақтастыққа, сондай-ақ Қазақстан мен Өзбекстанның бизнес қауымдастықтары арасындағы байланыстарды жандандыруға ерекше назар аударылды. Президенттер сондай-ақ өзекті аймақтық және халықаралық мәселелер бойынша пікір алмасты.

Дереккөз: Хабар агенттігі