Шавкат Мирзиёев Касым-Жомарт Токаевди Казакстан Республикасынын Курултайынын депутаттарынын биринчи шайлоолорунун ийгиликтүү өткөрүлүшү менен куттуктады. Казакстандын президенти Шавкат Мирзиёевге колдоосу жана Өзбекстандан, анын ичинде эл аралык уюмдардын курамында байкоочулар миссиясын жөнөткөнү үчүн ыраазычылык билдирди.

Мамлекет башчысы өзбек лидерине өлкөдө жүрүп жаткан ички саясий реформалар тууралуу маалымат берди. Касым-Жомарт Токаев Курултай прогрессивдүү, заманбап жана адилеттүү Казакстанды курууга багытталган саясий реформалардын маанилүү бөлүгү экенин белгиледи. Эки лидер достук жана стратегиялык өнөктөштүк рухунда туруктуу бекемделип жаткан казак-өзбек мамилелеринин өнүгүшүнө канааттангандыктарын билдиришти.

Сүйлөшүүнүн жүрүшүндө соода-экономикалык байланыштарды андан ары кеңейтүүгө, транспорт жана логистика тармагында биргелешкен инвестициялык долбоорлорду ишке ашырууга, өнөр жай кооперациясына жана Казакстан менен Өзбекстандын бизнес коомчулугунун ортосундагы байланыштарды активдештирүүгө өзгөчө көңүл бурулду. Президенттер ошондой эле актуалдуу аймактык жана эл аралык маселелер боюнча пикир алмашышты.

Булак: МА «Хабар»